![PADI programaren promozio-irudia.](/media/asset_publics/resources/001/062/878/article_main_landscape/padi-es.jpg)
Osakidetzatik jakinarazi dutenez, 0 eta 6 urte bitarteko haurrak sartu ditu aho-hortzen osasuneko zerbitzuen zorro berrian. Hedapena 2024. urtean zehar gauzatuko da, inplikatutako talde profesionalen egokitzapen fisiko, tekniko eta funtzionalen arabera. Horretarako, Lehen Mailako Arretako Pediatriako Haurren Osasun Planarekin koordinatutako protokoloak prestatu eta ezarri beharko dira.
Aho-hortzetako osasun unitateen agenda guztietan gutxieneko tarte batzuk utzi dira 0-6 urteko haurrentzat berariaz programatutako laguntzara bideratuak, bai eta 7 eta 15 urte bitartekoentzat ere, gaur egun Haurren Hortzak Zaintzeko Programaren bidez jada zerbitzu hori ematen ari diren zentroetan.
Gainera, aho-hortzen osasunaren esparruan aurreikusitako ekintzen artean, 2024an Arabako Errioxako ESIk hortzen arretarako unitate sortu berri bat izango du, inguru horretako biztanle guztiei laguntza emateko.
Duela 33 urtetik, Haurren Hortzak Zaintzeko Programa dute abian Lakuako Osasun Sailak eta Osakidetzak, 7 eta 15 urte bitarteko haurren aho-hortzen osasuna bermatzeko, hortzeria ona eta zaintza ohitura osasungarriak garatzeko adin tarte erabakigarria barne hartuz.
2023an zehar, Osakidetzak aho-hortzen osasuneko zerbitzu-zorro berriari beste kolektibo batzuk gehitu dizkio. Alde batetik, hortzeria iraunkorra arriskuan edo txantxarra duten 5-6 urteko haurrei planaren berezko jarduerak aplikatzen zaizkie jada urtarriletik Osakidetzaren hortz kontsultetan.
Haurdun dauden emakumeei aho-hortzetako zerbitzua emateari dagokionez, maiatzean osatu zen emakumeen haurdunaldian hortzetako prebentzio jardueren hedapena Osakidetzako Lehen Mailako Arretako hortz unitate guztietan.
Bestalde, paziente onkologikoentzako hortz prestazioak jada Euskal Osasun Zerbitzuaren kontsulta publikoetan aplikatzen ziren. Era berean, Osasun Saila eta Osakidetza desgaitasuna edota jokabide aldaketa larria duten pertsonen taldearentzako laguntza emateko eredua zehazten ari dira.
200.000 haur
Haurren Hortzak Zaintzeko Programak 200.000 haur inguru artatzen ditu doan urtero, odontologo eta estomatologoen elkargo ofizialen laguntzarekin. Horrela, gaitutako dentisten koadro zabal batek parte hartzen du, Osakidetzako profesionalez gain.
Planak barne hartzen duen urteko azterketarekin, dentistak txantxarra detektatu eta garaiz tratatu ahal izango du haurrei hortzak ateratzen zaizkien eta hortzeria iraunkorrerantz bideratuta dauden etapetan, nahiz eta inolako alterazio edo eragozpenik ez hauteman.
Gainera, zainketa prebentiboak eta zuzentzaileak azaltzea ahalbidetzen du, eta ahoko higiene ohiturak indartzen ditu. Aldizkako kontsultetara joatea aho-hortzen osasuna babesteko eta zaintzeko modu bat da, bai haurtzaroan, bai helduaroan.
![0908_eko_mecaner](/media/asset_publics/resources/001/152/879/article_thumb_horizontal/0908_eko_mecaner.jpg)
La lucha de GKN inspira el proceso de transición ecosocial en Mecaner
![Naiznandocruzh](/media/asset_publics/resources/001/153/253/article_thumb_horizontal/NAIZnandocruzH.jpeg)
«El capitalismo ha engullido los festivales con voracidad fulminante»
![Arnaldo](/media/asset_publics/resources/001/153/497/article_thumb_horizontal/arnaldo.png)
UPN coloca una pistola a Arnaldo Otegi en un fotomontaje y luego lo retira
![Vinicio](/media/asset_publics/resources/001/154/378/article_thumb_horizontal/vinicio.jpg)
Movilizaciones y denuncia de negligencia tras la muerte del joven Vinicio Portillo en Donostia
![Palaceta_algorta](/media/asset_publics/resources/001/155/107/article_thumb_horizontal/palaceta_algorta.jpg)