Bost hegazkin ezin izan dira Loiuko aireportuan lurreratu azken orduetan hego/hego-mendebaldeko haize bolada indartsuen ondorioz, eta beste aireportu batzuetara desbideratu behar izan dituzte.
Aena erakundeak Europa Press albiste agentziari jakinarazi dionez, 10:30etik 13:30etara, Bartzelonako hegaldi bat (jatorriko aireportutra itzuli da), Erromatik eta Malagatik zetorren hegaldi bana eta Madrildik zetozen beste bi desbideratu dituzte. Malagakoa zein Madrilgoak Barajaseko aireportura itzuli dira eta Erromako hegaldiak Zaragozan hartu du lur. Aitzitik, Munichetik eta Paristik zetozen hegaldi bana lurreratu dira.
Irteeretan, momentuz, ez da arazorik egon.
Haize bolada indartsuak izaten ari dira astearte honetan Euskal Herrian, Trapagaranen (126 km/h), Karrantzan (124 km/h), Bermeon (117 km/h) eta Gasteizko Zaldiaranen (105 km/h) erregistratutako datuak nabarmenduz.
Horrelako haize boladak izan ohi ez dituzten eremuetan ere ufada gogorrak izan dira. Besteak beste, 97 km/h-ko abiadura jaso da Galdindoko neurketa puntuan, Sestaon. Lakuako Segurtasun Sailak abisu horia ezarri du haizeagatik astearte honetan, 06:00etatik 18:00ak arte.
Lan ugari suhiltzaileentzat
Bizkaiko suhiltzaileek hamaika irteera egin dituzte astearte honetako goizeko lehen orduetan, haize bolada bortitzek eragindako gorabeheren ondorioz, batez ere Ezkerraldean. Bizkaiko Foru Aldundiak emandako datuen arabera, suhiltzaileek haizearekin lotutako hamaika irteera egin dituzte 08:00etatik 11:30era.
Arreta eman behar izan zaien gorabeherak, batez ere eraikuntzen saneamenduekin lotutakoak, Ezkerraldeko udalerrietan izan dira batez ere.
#Sestao, poste publicitario de empresa con riesgo de caída, desalojados locales cercanos en dirección del viento
— Bomberos y Bomberas Bizkaia (@BomberosBizkaia) January 2, 2024
P.M. y @ertzaintzaEJGV perimetrando y limitando accesos
Extremen la precaución en la zona#Bomberos pic.twitter.com/wowKtqWR6K
Nafarroan, era berean, hegoaldeko haize bizia dabil, bolada gogorrekin, eta boladak oso gogorrak izango dira Pirinioetako goialdeetan.
Electos de Maule ceden parte de su asignación para apoyar a los atletas olímpicos palestinos
La fiesta en Lizarra arranca con represión a un cantante, cohete dividido y Bajadica suspendida
Dos detenidos en Iruñea acusados de agredir a un seguidor de la selección española
Gasteizko Oroimen Zentroari Urrezko Domina «iraingarria eta umiliagarria» dela salatu dute
