![‘Euskararen semaforoa’rekin ekintzen euskarazko eskaintzaz informatuko dute.](/media/asset_publics/resources/001/081/332/article_main_landscape/promo_argazki.jpg)
Aiaraldean egiten diren kulturako, aisialdiko, gogoetako eta musikako ekintzen euskararen presentziaz informatzeko ‘Euskararen semaforoa’ jarriko du martxan Aiaraldeko Euskalgintza Kontseiluak.
Kontseiluak azaldu duenez, ‘nutri-score’ elikagaien balio nutrizionalei buruz informatzeko ikur-sortan oinarritu dira, «euskal hiztunak behar dituen ‘elikagaien’ informazioa azkar batean jaso dezan. Zein ekintza da euskaraz? Eskaintza erdaraz izanagatik euskaraz mintzatzeko aukera izango al dut?».
Honekin, euskarazko eskaintza eta kontsumoa bultzatzeaz gain, kontseiluaren arabera, «alor batzuetan euskararen eskaintza handitzeko beharra nabarmen eta agerian utziko du ekimenak». Ekimenaren antolatzaileek «beharrezkotzat» jotzen dute programatzeko orduan hizkuntza eskubideengan arreta jartzea.
«Bide berriak zabaldu behar dira baita, adibidez, erdaraz eskaintzen den hitzaldi batean publiko euskaldunak galderak bere hizkuntzan egiteko aukera bermatuz; edo erdaraz eskaintzen den ikastaro batean, ikasleari euskaraz mintzatzeko aukera emanez, irakasle elebidunak kontratatuz», adierazi du Aiaraldeko Euskalgintza Kontseiluak.
Hortaz, elkarteak, instituzioak, programatzaileak, antolatzaileak eta sortzaileak tresna hau erabiltzera deitu dute, baita #EuskararenSemaforoa traola sareetan erabiltzera ere. Herritarrei, berriz, euskarazko kultura, aisialdia, ekintzak eta ikastaroak eskatu, bultzatu eta kontsumitzera deitu ditu.
![Echavarri](/media/asset_publics/resources/001/151/291/article_thumb_horizontal/echavarri.jpg)
Nueva dimisión en las filas de UPN: María Echávarri deja de ser concejala en Iruñea
![Lindane](/media/asset_publics/resources/001/153/115/article_thumb_horizontal/lindane.jpg)
El acoso machista en redes a Ane Lindane deriva en una petición para aplicarle la Ley Mordaza
![Naiznandocruzh](/media/asset_publics/resources/001/153/253/article_thumb_horizontal/NAIZnandocruzH.jpeg)
«El capitalismo ha engullido los festivales con voracidad fulminante»
![Antzar-eguna](/media/asset_publics/resources/001/153/331/article_thumb_horizontal/antzar-eguna.jpg)
Ehundik gora potinek parte hartu dute Lekeitioko Antzar Egunean
![Arnaldo](/media/asset_publics/resources/001/153/497/article_thumb_horizontal/arnaldo.png)