Denboraldia oraindik bere momenturik garrantzitsuenean dagoen honetan, Super Amara Bera Bera taldeak indartzen jarraitzen du. Azken asteetan jakin da Mariane Fernandesek ez duela jarraituko datorren urtean. Lehenego jakina zen Malena Cavok ere utzi egingo duela taldea eta jokalari gehiago egin daitezke irtetzeko. Gauzak hala, Donostiako klubak astelehen honetan jakinarazi du Eszter Ogonovszky ezker hegaleko hungariarra fitxatu duela datozen bi denboraldietarako.
Egun Txekiako Banik Most taldean dabilen jokalariak 20 urte ditu – uztailean 21 beteko du –, 1,78 zentimetro neurtzen du, eta 2019-2022 bitartean Itxakoko entrenatzaile izandako Ambros Martinek zuzendu zuen Gyori taldeko jokalari izan zen.
Unas acciones de Eszter Ogonovszky... pic.twitter.com/Dt6J0ZGCS3
— super amara Bera Bera (@BalonmaBeraBera) February 26, 2024
Gaztea izan arren, Ogonovszkyk goi mailako lehiaketan eta Hungariako junior akademian «eskarmentuaÇ duela adierazi du Bera Berak. Komarom jaioa, Gyorretik gertu dagoen herrian, denboraldi honetan Txekiako Banik Most taldean utzita jokatzea erabaki zuen, bederatzi golekin Chambrayren aurkako European Leagueko kanporaketan taldeko jokalari onenetarikoa izan zen bederatzi golekin.
Bere kanporako jaurtiketa, bata bestearen kontra alde bietatik irtetea eta abiadura nabarmentzen dira batez ere. Super amara Bera Berako zaleei agur gisa bidali dien bideoan, fitxaketak «erronka berri honekin ilusioz gainezka» dagoela eta «nire onena emango dudala» azpimarratu du.
Cien años del primer muerto en el recorrido del encierro y algo de porno
AEBetako Glitterfox taldeak euskaraz eta disco ukituarekin grabatu du ‘Xalbadorren heriotzean’
Euskal ikurrak Sanferminetan eta zenbait kalejira euskal selekzioa aldarrikatuz
Casi todos los incidentes imaginables se suceden en un encierro de la villavesa lento e irreal
