![Hondarribiak irabazi du Gipuzkoako Txapelketa senior mutiletan: Manex Aldai, Adrian González, Beñat Egiazu, Bikendi Alza, Iñigo Sagarzazu, Galder Esponda eta Joseba Amunarriz (patroia).](/media/asset_publics/resources/001/112/695/article_main_landscape/trainerillak.jpg)
Gipuzkoako eta Bizkaiko Trainerilla Txapelketak jokatu dira gaur Getarian eta Ondarroan, hurrenez hurren. Gipuzkoako Txapelketan Zumaia eta Hondarribia izan dira irabazleak maila nagusian; Bizkaikoan, aldiz, Ondarroa eta Bermeo izan dira indartsuenak.
Gipuzkoatik hasita, emakumezko absolutuen mailan Zumaiak nagusitasunez lortu du urrezko domina, 16:28.85eko denbora markatuz. Tolosaldea izan da bigarren 13,72 segundora eta Donostiarra hirugarren 34,50era. Gizonezkoen maila nagusian Hondarribiarentzat izan da garaipena 14:10.99ko denborarekin. Zilarra Oriorentzat izan da, 9,14 segundora, eta brontzea Getariarentzat 11,28ra.
Beste mailetan, aipagarria da San Juanek erakutsitako nagusitasuna, jokatutako hiru kategorietan irabazle izan delako: emakumezko jubeniletan urrea irabazi dute Hibaika eta Hernani mederatuz; emakumezko kadeteetan ere bai San Pedro eta Zumaia atzean utziz; eta gizonezko kadeteetan Getaria eta Zumaia gainditu ditu garaipena lortzeko.
Bizkaiko Txapelketari dagokionez, Ondarroa izan da nagusi emakumezko absolutuen mailan. Etxeko taldeak 17:06.56ko denbora markatu du helmugan, Kaikuri 13,27 segundo sartuz eta Deustori 19,82. Parekotasun askoz handiagoa egon da gizonezkoen maila nagusian: Bermeo izan da irabazle 14:11.32ko denborarekin eta bigarren izan den Zierbena 2,17 segundogatik menderatuz. Hirugarren postua Ondarroarentzat izan da, 19,97ra.
Beste mailei dagokienez, Isuntza izan da azkarrena jubenil mutiletan Santurtzi eta Zierbena menderatu ostean; Santurtzi izan da garaile kadete mutiletan Arkote eta Isuntzaren aurretik; eta kadete nesketan Ondarroak eraman du urrea Portugalete eta Mundaka atzean utzi ondoren.
Euskadiko Txapelketa datorren igandean jokatuko da Ondarroako uretan 10.30etatik aurrera.
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Naizxalbador](/media/asset_publics/resources/001/135/773/article_thumb_horizontal/NAIZxalbador.jpg)
AEBetako Glitterfox taldeak euskaraz eta disco ukituarekin grabatu du ‘Xalbadorren heriotzean’
![Encierro4](/media/asset_publics/resources/001/136/243/article_thumb_horizontal/encierro4.jpg)
Casi cuatro toneladas de Miura y dos tremendas embestidas en Mercaderes y la curva
![Indurain-villavesa2](/media/asset_publics/resources/001/136/510/article_thumb_horizontal/indurain-villavesa2.jpg)
Casi todos los incidentes imaginables se suceden en un encierro de la villavesa lento e irreal
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)