![Espainiar Auzitegi Nazionala, Madrilen.](/media/asset_publics/resources/001/135/474/article_main_landscape/audiencia_nacional.jpg)
Iturmendiko Faniri bi urteko kartzela zigorra eta 2.700 euroko isuna ezarri diote X sare sozialean 2023ko abuztutik 2024ko urtarrilera argitaratutako bost mezurengatik. ETAren biktimak «umiliatzea» egotzi dio Fiskaltzak.
UPN alderdi politikoak jarritako salaketa baten ondorioz hasi zen emakume honen aurkako prozesu judiziala, «terrorismoa goratzea» egotzita, eta Fiskaltzak 2,5 urteko kartzela zigorra eskatu zituen iturmendiarrarentzat. Auzitegi Nazionalak onartu izan balu, espetxeratu egingo zuketen.
Astearte honetan izan da epaiketa espainiar Auzitegi Nazionalean. Defentsaren abokatuak absoluzioa eskatu zuen hasiera batean, baina azkenean fiskalarekin eta akusazioarekin (UPN) adostasunera iritsi dira geratutako onartuta. Horren truke, Fiskaltzak sei hilabetez murriztu du espetxe eskaera, aitorpen berantiarragatik aringarri bat aplikatuta. Ondorioz, azkenean ezarriko dioten zigorra bi urtean eta 2.700 euroko isunean geratu da. Gainera, kargu publikoa izateko 10 urteko inhabilitazioa ere ezarri diote.
X sare sozialean egindako iruzkinetan, akusatuak adierazi zuen ETAk ez zuela bereizi gabeko atentaturik egiten, eta Estatuko egituren bila zihoala.
NAIZek Faniren bikotekidearekin hitz egin du. Kartzela zapalduko ez duelako lasai daudela aitortu duen arren, adierazi du «ez dutela ezer ospatzeko, zigorra egon delako eta bere iritzia jazartua izan delako».
Horregatik, larunbat honetarako aurreikusia zuten mobilizazio deiarekin jarraituko dute, 19.30ean Iturmendiko enparantzan.
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Naizxalbador](/media/asset_publics/resources/001/135/773/article_thumb_horizontal/NAIZxalbador.jpg)
AEBetako Glitterfox taldeak euskaraz eta disco ukituarekin grabatu du ‘Xalbadorren heriotzean’
![Encierro4](/media/asset_publics/resources/001/136/243/article_thumb_horizontal/encierro4.jpg)
Casi cuatro toneladas de Miura y dos tremendas embestidas en Mercaderes y la curva
![Indurain-villavesa2](/media/asset_publics/resources/001/136/510/article_thumb_horizontal/indurain-villavesa2.jpg)
Casi todos los incidentes imaginables se suceden en un encierro de la villavesa lento e irreal
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)