Oses eta Errazkinek polizia frantsesaren esku jarraitzen dute, Okzitaniako Tolosan
Asteartean Okzitaniako Albi hirian atxilotu zituzten Ugaitz Errazkin eta Jose Javier Oses galdekatzen jarraitzen du Polizia frantsesak, Tolosako komisarian.
NAIZ.INFO
PARIS
Efe agentziak jakinarazi duenez, ustez ETAko kide izateagatik atzeman zituzten lagunek poliziaren esku jarraitzen dute.
Polizia frantsesa, gainera, Albi hiriko etxetik eramandako materiala aztertzen ari da.
Estatu frantseseko legeriak zehazten duenaren arabera, beranduenik larunbatean eraman beharko lituztekete burlatarra eta hernaniarra Parisko epailearen aurrera.