Oiartzunen urrats garrantzitsua zuloa atzean uzteko

Hiru puntu garrantzitsu lortu dituzte Oiartzungo neskek Tenerife Egastesaren aurka. 2-0 irabazi dute oiartzuarrek eta 10 punturekin sailkapenaren zuloa urrutixeago dute gaur. [Sailkapena eta emaitzak]

Sailkapenari begiratuta erronka zaila zen gaur Oiartzunek zuena, Realetik puntu bakarrera 5. postuan dagoen Tenerife Egastesa baizuten parean. Nagusi izan dira, ordea, oiartzuar neskak eta 2-0 irabazita urrats garrantzitsua eman dute sailkapenaren azken postuak atzera uzteko bidean.

67. minutuan egin du Olatzek gipuzkoarren lehen gola eta 82.ean baieztatu du garaipena Nerea Muruak.