Alaves lider, Ponferradinari irabazi ostean

Lidergoa hartu du talde arabarrak Ponferradinaren aurka 0 - 1 irabazi ostean. Alavesen gola Toquerok egin du bigarren zatiko ordulaurdena jokoan zenean, Dani Pachecok atera duen falta bat buruz errematatu ostean. [Estatistikak eta sailkapena]

33 punturekin 2. mailako liderra da Alaves Toquerok 60. minutuan egin duen golari esker. Partida guztian bi taldeek izan dituzte aukerak eta azken txanpan Ponferradinak estutu egin du talde arabarra baina azkenean hiru puntuak poltsikoan hartuta itzuliko dira arabarrak Gasteiza.

Gabonetako etenaldia, beraz, lehen postuan gozatuko du Alavesek. Urte berria hastearekin bat Bilbao Athletic jasoko dute etxean arabarrek.