Eibarren erakustaldia Betisen zelaian (0-4)
Ander Capak hirugarren minutuan egindako golak asko erraztu dio garaipena Eibarri. Hala ere, hasieratik bukaerararte nagusi izan dira gipuzkoarrak. [Partidaren xehetasunak]
NAIZ
Eibarrek garaipen bikaina lortu du Betis bere etxean erraz gainditu ondoren. 3. minutuan aurreratu dira armaginak Ander Capak egindako golari esker eta lehen zatiaren erdialdean bigarrena egin du Kekok. Atsedenaldira joan aurretik unerik zailenak bizi izan ditu Eibarrek, baina Asier Riesgok geldiketa bikainekin erantzun du.
Bigarren zatian markagailua borobildu dute gipuzkoarrek Adrian Gonzalez-ek eta Borja Baston-ek egindako golekin.