Transfobiaren aurka eta gorputz guztien alde, samindutako sareak

Joan den ostegunean hilik aurkitu zuten 16 urteko Ekai gazte transexuala agurtzeko, saminez eta etsipenez bete dira sareak eta Ondarroako eta hiriburuetako bazterrak.

Ostiralean ezagutu genuen Ekai gaztearen heriotza. Bezperan bere senideek hilik aurkitu zuten 16 urteko gazte transexual ondarrutarra eta adin txikiko transexualen senideen elkartea den Chrysallisek «jendarte osoak galdutako borrokatzat» jo zuen heriotza.

Ekaik egunero parean zituen borrokak nerabe batentzat gehiegi izan litezkeela ondorioztatu zuen Chrysallisek komunikabideetara igorritako oharrean. Erregistroan izen-aldaketa lortzea, Gurutzetako ospitaleko Genero unitatean inoiz iritsi ez baina premiazkoa zuen hormona-tratamendua edo institutuan bere errealitatea azaldu eta errespetatzeko egin ez zen formakuntza-saioa ematea lortzeko borrokak jarri ditu «eguneroko borroka gehiegi» horien adibidetzat.

Gaztearen heriotzaren berriak sare sozialak saminez busti ditu eta sona berezia izan dute Ekairen aitaren agur hitzek. Facebooken, euskaraz eta gazteleraz, zabaldutako mezuak bere seme Ekairen heriotza «alferrikakoa» ez izatearen desioa ezkutatzen du; «zuk behin eta berriz esan zenuen bezala, atzetik datozenei bidea errazteko balio dezala gutxienez», dio haren aitak Elaxar Lersundik.

Makina bat elkarbanatze eta iruzkin jaso ditu aitaren mezuak.

Asko eta askotarikoak izan dira heriotza honen aurrean sentitzen duten atsekabea sare sozialen bidez plazaratu nahi izan dutenak.

Transfobiak hiltzen gaitu.
Duela ez asko Alan izan zen eta orain Ekai. Beste behin ere, gizarteak huts egin du.

Gure gorputza, gure erabakia! Aske bizi nahi dugu!

— Hesian Taldea (@hesiantaldea) 2018(e)ko otsailak 17

Ondarruko isiltasunaren eta elkartasunaren zirrara barruan etxera iritsi berri... Ekairen zatitxo bat bertan egon garenon artean zabaldu da eta bere borroka gure egina dugu. Adiorik ez Ekai pic.twitter.com/NNCgUKazxr

— Oihana Etxebarrieta (@BetaurrekoMorea) 2018(e)ko otsailak 17

Gazte baten askatasuna lortzeko bidea heriotza denean, gizartearen porrota islatzen da. Que la tierra te sea leve, Ekai. pic.twitter.com/1eRCP1cFg2

— idoia Zoilo (@PattyDifussa15) 2018(e)ko otsailak 18

Violencia es que un autobús naranja reparta odio mientras Ekai elige el suicidio a la espera de tratamiento. pic.twitter.com/jZdoX1921i

— Jonathan Martínez (@jonathanmartinz) 2018(e)ko otsailak 16

No he podido evitar llorar al conocer la muerte de Ekai, un transexual adolescente de Ondarru que no ha podido soportar el escaso apoyo de esta sociedad hipócrita. Todo mi amor para su familia y para toda la comunidad LGTBQI pic.twitter.com/JOpLEVsVof

— Dani Saralegi Aristu 😉 (@dslegi) 2018(e)ko otsailak 16

Puff.
Bizitza latzegia egin genizun Ekai. pic.twitter.com/yl6rMWt3uA

— Oier Zuñiga (@OierZuniga) 2018(e)ko otsailak 16

Elkarretaratzeak sorterrian eta hiriburuetan

Ekairen heriotzak samina eta etsipena ekarri ditu Ondarroara. Ekairen senide eta lagunekin elkartasunez eta transfobiarik gabeko herri aske baten alde hiru egunetako dolua deitu zuen Ondarroako Udalak.

Era berean, Ekairi «gero arte» esan eta «oraindik zain daudenen neska-mutilengatik» aniztasunaren aldeko elkarretaratzea egin zuen larunbatean  Chrysallisek Ondarroako Musika plazan.

Gero arte Ekai!
Ondarroako herritarrek babesa erakutsi diote Ekairen senide eta lagunei.
Transfobiaren aurka, gorputz guztien alde. Maite zaitugu.https://t.co/rKy0cgbLnV pic.twitter.com/49xlPcifCb

— Ondarroako Udala (@UdalBarriak) 2018(e)ko otsailak 17

Iruñean eta Donostian ere azken agurra eman nahi izan zioten igandean eta harena azken heriotza izan dadin konpromisoak hartzera gonbidatu zituzten eragile politikoak.

Adiorik ez, gero arte! #TransfobiarikEz
Benetako konpromisoak hartzea ezinbestekoa dira Ekairen heriotza azkena izan dadin.#EKAI pic.twitter.com/JaaJSL9F9g

— Patri Perales (@patriciaioar) 2018(e)ko otsailak 18

#Ekai maite zaitugu #Donostia / #SanSebastian pic.twitter.com/EnyvUyCSFP

— Chrysallis Euskal He (@ChrysallisEH) 2018(e)ko otsailak 18

Gaur ere elkarretaratzeak izango dira Bilbon zein Gasteizen.

Astelehen 19an #Bilbo-n izango den konzentraziorako deialdi hau iritsi zaigu.
Nos llega la convocatoria a esta concentración lunes 19 en #Bilbao.#Ekai, maite zaitugu pic.twitter.com/LWSG4YjzzQ

— Chrysallis Euskal He (@ChrysallisEH) 2018(e)ko otsailak 18

Elkarretaratzea bihar | Concentración mañana

Ekai, gogoan zaitugu.#StopTransfobia pic.twitter.com/iMk6fV18DB

— Martxoak Zortzi (@m8gasteiz) 2018(e)ko otsailak 18

Ttiklikek gurean duen blogean Ekairen heriotzak eragindako saminaren inguruan hausnarketa egin du.