Emozioz beteriko estropada utzi dute datorren iganderako Zierbenak eta Hondarribiak
Zierbena eta Urdaibaik 19:26ko denbora egin dute Kontxako Banderako lehen egunean, borroka estu bat eskainiaz. Hain estua izan da zein arraunek elkar jo eta epaileek Urdaibai zigortu egin dute, 20:15eko denbora ezarriz. Eta gaurkoa estua izan bada, hurrengo iganderako ez da gutxiago espero, Hondarribia bera Zierbenarengandik segundo bakarrera geratu da-eta.
Este navegador no soporta el elemento video.
Lehen txandan Hondarribia nagusitasun handiz gailendu da, 19:27ko denbora eginez. Hasiera-hasieratik egin du aldea, Orio, Cabo eta San Pedrok erritmoari ezin eutsi zebiltzan bitartean. Oriotarrak bere mailaz azpitik ibili dira eta azkenean 19:47ko denbora egin du, Cabo (19:43) beraren atzetik ere. San Pedrok, aldiz 20:00 markatu du.
Bigarren txandan, aldiz, borroka askoz estuagoa izan da, batez ere Zierbena eta Urdaibairen artean. Hain estua izan da arraunek elkar jo eta guzti egin dutela. Epaileek esku hartu dute eta zigorra ezarri diete bermeotarrei, azkenaren (San Pedroren) denbora ezarriz eta honi beste 15 segundu gehituaz.
#Kontxa18 Urdaibai eta Zuerbena, parez pare pic.twitter.com/axYraFytqS
— Imanol Intziarte (@imanolintziarte) September 2, 2018
Hala ere, Hondarribiaren denbora hobetzea lortu dute eta 19:26ko denbora egin dute helmugan. Santurtzik 19:41eko denbora egin du eta Donostiarrak, azkenik, 19.58.
Bigarren igandean, hilaren 9an, beraz, Zierbena, Hondarribia, Santurtzi eta Cabo ariko dira ohorezko txandan eta hiru lehenek dute bandera etxera eramateko aukera gehien, baina iaz bizi izan zen itzulia gogoan izanda, edozer gerta liteke oraindik ere.