Gorenaren aurrean protesta egin nahi zuten Arran gazte erakundeko zortzi kide atxilotu dituzte
Auzitegi Gorenaren atarian protesta egitera zihoazen Arran gazte erakunde katalaneko zortzi kide atxilotu ditu Polizia espainiarrak. Desordena publikoak leporatzen dizkiete.
Sare sozialen bitartez Arran gazte erakundeak azaldu duenez, buruzagi independentisten aurka hastekoa den epaiketaren aurkako kanpainari hasiera eman nahi zioten Gorenaren aurrean egitekoa zuten protestarekin, baina «beste behin, adierazpen askatasuna erreprimitu egin dute».
Efe eta Europa Press berri agentzien arabera, arratsaldeko 14.00ak arabera izan dira atxiloketak, Madrilgo Villa de Paris plazan.
Pankarta, ke poteak eta kateak atzeman dizkiete gazteei. Desordena publikoak eragitea leporatzen die Polizia espainiarrak.
Gazte erakundeko iturrien arabera, auzitegiaren atarian kateatzea zen atxilotutako lagunen helburua, 2017ko urriaren 1eko erreferendumaren harira epaituko dituztenei elkartasuna adierazi eta prozesua salatzea zen.