Emakume izena duten kaleak agertzen dituen mapa aurkeztu dute Donostian

Emakumeak eta Hiria Foroak «Emakumeon Donostia» mapa aurkeztu du. Emakumeen izenak dauzkaten kaleak agertu, eta pertsona horien bizitzen berri ematen du. Donostiako Emakumeen Etxean, EHUko Berdintasunaren gaineko Masterraren barrenean egindako praktika batzuetatik sortutako proiektua da.

Emakumeak eta Hiria Foroak «Emakumeon Donostia» mapa aurkeztu du. Emakumeen izenak dituzten kaleak agertzen ditu, eta haien gaineko informazio biografikoa eman. Donostiako Emakumeen Etxean, EHUko Berdintasunaren gaineko Masterraren barrenean egindako praktika batzuetatik sortutako proiektua da.

Donostiako Udalak ohar batean adierazi duenez, bertan, beste hiri batzuetan bezala, oso emakume izen gutxi dago kale izendegian eta, gainera, gehienak errege-erreginen familia eta ahaideak dira, edo erlijioari lotutakoak.

Kale, plaza eta abarri izena ematen dieten emakumeei dagokienez, askotan leku horietatik igarotzen den jende askok ez daki nortzuk izan ziren. Mapa honen bidez, kale izendegian dagoen emakume gabezia hori ikusarazi nahi dute, euren bizitzak ezagutarazi eta historikoki garrantzitsuak izan diren pertsonei aitortza egin. Parke, eskultura eta tradizionalki emakumeek izandako ofizioen inguruko informazioa ere jaso dute.

Honako linkaren bidez sar gaitezke mapan: https://labur.eus/emakumeondonostia