‘Batera, bagara, bat gara’ leloarekin hartuko du Goierrik Kilometroak 2021eko jaia

Ikastolen Elkarteak 2021. urteko Kilometroak aurkeztu ditu astearte honetan. Goierrin egingo dira, Beasain, Lazkao eta Ordiziako ikastolen kargu. ‘Batera, bagara, bat gara’ izango da aurtengo leloa.

Beasaingo Andramendi ikastolak, Lazkaoko San Benito ikastolak eta Ordiziako Jakintza ikastolak antolatuko dute, zailtasunak zailtasun, aurtengo ikastolen aldeko eguna.

Ikastolen aldeko batasuna zein zatiezintasuna eta izatearen aldarrikapena izango ditu zutabe.

Ikastolen Elkarteak asteartean aurkeztu du 2021eko Kilometroak. Jaialdia Goierrira eramango dute, Beasain, Lazako eta Ordiziara. ‘Batera, bagara, bat gara’ izango da leloa eta aurtengo jaiaren nortasuna hiru zutabe horietan erakusiko da.

Batera, «Gipuzkoako ikastolek elkarrekin antolatua» izango delako. «Ikastolen batasuna adierazten du eta ez soilik Gipuzkoakoena, Euskal Herri osokoena ere bai baizik», agertu dute aurkezpenean.

Bagara, «gure izatearen aldarrikapena, eta batasunaren ezinbestekotasuna», biak ala biak, adierazten duen ezinbesteko zutabea. «Batera bagara, bestela ez gara».

Azkenik, bat gara, «Ikastolen izatearen osotasuna eta zatiezintasuna» adierazten duena, antolatzaileek argitu dutenez. «Herri bat gara, euskara gara, komunitate bat gara, Euskal Herri osorako hezkuntza proiektu bat gara», aldarrikatu dute aurkezpenean.

2021. urteko @kilometroak jaia aurkezten ari gara. pic.twitter.com/wcc8KrV2cD

— Ikastolen Elkartea (@EHIkastolak) March 23, 2021