Elizabeth II.ak bake prozesuari egin zion ekarpena gogoratu dute Ipar Irlandan
Sinn Feinn alderdi errepublikanoko presidenteorde Michelle O'Neillek adierazi duenez, «pertsonalki» eskerrak eman dizkio hil berri den Elizabeth II.ari Ipar Irlandan «bakea eta adiskidetzea sustatzeko egindako ekarpenagatik eta ahalegin irmoengatik».
Twitterren argitaratutako mezuen bitartez, Sinn Feineko presidenteorde Michelle O’Neillek «biziki deitoratu» du britainiarren erreginaren heriotza eta Ipar Irlandako bake prozesuari eman zion babesa azpimarratu du.
It’s with deep regret that I learned of the passing of Queen Elizabeth II.
— Michelle O’Neill (@moneillsf) September 8, 2022
The British people will miss the leadership she gave as monarch.
I would like to offer my sincere sympathies and condolences to her children, and wider family as they come to terms with their grief 1/4
Haren seme-alabei doluminak adieraztearekin batera, «unionisten komunitateko kideen mina» aitortu du, «sakonki» sentitu baitute erreginaren heriotza.
Era berean, «pertsonalki» eskerrak eman dizkio O'Neillek, iragan maiatzean Ipar Irlandan egin ziren hauteskundeetan garaile izan zenak, Elizabeth II.ari «bakea eta adiskidetzea sustatzeko egindako ekarpenagatik eta egindako ahalegin irmoengatik».
Bere aldetik, DUP Alderdi Demokratiko Unionistak monarkak Erresuma Batuko estatuburu gisa izan zuen figura «irmo eta hautsiezina» nabarmendu du.
Jeffrey Donaldsonek ere uhartearen iparraldean zein hegoaldean egin zuen lana txalotu du, 2011n Irlandara egin zuen bisita –1921eko independentziatik lehena– gogora ekarriz.
Zentzu horretan, Irlandako lehen ministro Micheal Martinek ere gogoratu du bidaia hura «berebiziko urratsa» izan zela harremanen normalizaziorako. Elizabeth II.a gabe «mundua toki okerragoa» dela azpimarratu du.
Eskoziako gobernuburu Nicola Sturgeonek azpimarratu du une «oso tristea» dela «Erresuma Batuarentzat, Commonwealtharentzat eta mundu osoarentzat.
The death of Her Majesty, Queen Elizabeth is a profoundly sad moment for the UK, the Commonwealth and the world.
— Nicola Sturgeon (@NicolaSturgeon) September 8, 2022
Her life was one of extraordinary dedication and service.
On behalf of the people of Scotland, I convey my deepest condolences to The King and the Royal Family. https://t.co/o2XqGJMF2S