Errenteriako babes ofizialeko etxebizitzen maizterrak mehatxatzen ari direla salatu dute
Astelehenean bilduko dira Lakua, Jauregizar enpresa eta Errenteriako Udaleko ordezkariak. «Errenteriako babes ofizialeko etxebizitzen maizterrak 2023a Jauregizarren mehatxu berriak jasotzen hasi dira, babestutako etxebizitzak utz ditzaten», salatu du Kaleratzeak Stop plataformak.
«Errenteriako babes ofizialeko etxebizitzen maizterrak 2023a Jauregizarren mehatxu berriak jasotzen hasi dira, babestutako etxebizitzak utz ditzaten», salatu du Kaleratzeak Stop plataformak. Babestutako kontratuak duela sei hilabete baino gehiago amaitu ziren eta Jauregizar enpresa beste hamar urterako berritzeari uko egin dio.
Jakinarazi dutenez, diru-sarrera apalak dituztelako etxebizitza erosi edo eskualdean dauden merkatu libreko alokairuan ordain ezin dituzten maizterrei dei egiten ari zaie Jauregizar enpresa, «hauek hertsatzeko».
Astelehenerako, urtarrilak 16, aurreikusia dago bilera bat, zeinetan Lakuak, Jauregizarrek eta Errenteriako Udalak hartuko duten parte. «Jauregizarrek etxebizitza bakoitzeko 10.000 euroko dirulaguntza jasotzen duen Jaurlaritzaren aginduari heltzea espero dugu, kontratuak berrituz eta herritarrak beldurrarazteari utziz», adierazi du Kaleratzek Stop plataformak ohar baten bidez.
Hogei bat familia bizi dira bertan, batzuk zaurgarritasun egoeran. «Bermatu behar zaie duela sei hilabete amaitutako kontratuek jarraipena izango dutela, behin etxebizitza BOEen prezioan erosi ahal izan duten maizterrek eta Etxebiden inskribatutako eremuko eskatzaileek erosketa-prozesua bete eta gero», adierazi dute.
Gainera, errentariak, aurreko bileretan errentatzaileak kontratuak amaitzeagatik etxegabetze-demandarik hasiko ez zuela adierazi zuela baieztatzen du Kaleratzeak Stopek, baina «kezkatuta» agertu dira Jauregizarrek «sistematikoki itzultzen dielako beren banku kontuan sartzen duten errentaren zenbatekoa», eta «beldur» dira errentak ez ordaintzea ez ote den demandaren arrazoia izango.
Bilera horretan akordiorik erdietsi ezean mobilizazio egutegi bat antolatuko dutela baieztatu dute, Jauregizarren eta Lakuaren egoitzen aurrean.