Hilabete hasieran milaka pertsona atera dira karrikara lan erreformaren kontra. Martxoaren 31n ere 3.500 pertsona inguru bildu dira Baionan egitasmoaren kontrako jarrera adierazteko. Lanuzteari dagokionez, hezkuntzan eta garraioan izaten ari da eragina batez ere, aldiriko trenetan eta AHTn. Biarrizko aireportuan, berriz, sei hegaldi bertan behera geratu dira. Gainera, aire kontrolatzaileek ere bat egin dute grebarekin, 36 orduko lanuztean baitira atzotik. Hezkuntzan ere jarraipen handia izan du grebak eta ikasle ugari izan dira manifestazioan. Argazkiak: Bob EDME.