Urtean zehar mendizaleek igarotzen dute Zelatungo lepoa, Hernioko tontorraren bila, eta artzainek, artaldeari so. Baina iraileko igandeetan erromeriazaleen festaleku bihurtzen da zelai hau; Erreziletik, Asteasutik, Bidaniatik... abiatuta, soinuaren eta panderoaren musikaz dantza egiteko pozez datoz hona gizon eta emakumeak. Erromeriek ez daukate garai bateko indarra Euskal Herrian, baina Herniokoa sasoian dago, NAIZek ikusi ahal izan duenez.