Beteriko urraburua erreta

LEHENENGO ERA
Osagaiak 4 lagunentzat
4 urraburu, 2 tipula, baratxuri ale bat, 100 g hirugihar, 2 patata, 2 koilarakada ogi birrindu, perrexila, olioa, gatza.

Zailtasuna                             2

1. Urraburuak garbitu eta xerrak atera. Gatza bota.
2. Zerrenda finetan moztutako tipula olio pixka batekin erregosi.
3. Txikitutako baratxuria eta hirugiharra gehitu eta erregosi.
4. Txikitutako perrexila eta ogi birrindua nahastu.
5. Patatak zuritu eta zerrendatan moztu eta 5 minutuz egosi.
6. Azpil batean patatak jarri eta olio pixka bat bota. Hurrenez hurren urraburu xerra, hiruguharra eta urraburu xerra jarri. Gainetik ogia bota.
7. Labe beroan sartu, 200ºC-an, 12-15 minutuz.

BIGARREN ERA
Osagaiak 4 lagunentzat
4 urraburu, alberjinia bat, 150 g Mozzarella gazta, 2 tomate heldu, 2 baratxuri ale, ardo zuria, olioa, gatza.

Zailtasuna                       2              

1. Urraburuak garbitu eta xerrak atera. Gatza bota.
2. Alberjinia zerrenda finetan moztu, gatza bota eta olio pixka batekin gorritu.
3. Gazta xerratan moztu.
4. Tipula, baratxuria eta tomateak birrindu, azpil batean jarri eta olio pixka bat bota. Hurrenez hurren urraburu xerra, alberjinia, gazta eta urraburu xerra jarri.
5. Labe beroan sartu, 200ºC-an, 12-15 minutuz.