Orburuak gulekin

LEHENENGO ERA
Osagaiak 4 lagunentzat
16 orburu, 200 g gula, 2 baratxuri ale, 75 g urdaiazpiko ondu, olioa, gatza, perrexila.

Zailtasuna                       2             

1. Orburuei kanpoko hosto gogorrak kendu. Zainari azala zuritu. Barruan dituzten ileak koilarakadatxo batekin atera. Orburuak limoiarekin igurtzi.
2. Eltze batean ura eta gatza berotu. Irakiten hasten denean, orburuak sartu eta 15 minutuz egosi. Egosteko ura bertan utzi. Atera eta lau zatitan moztu.
3. Zartagin batean zerrendatan moztutako baratxuriak olio zurrusta batekin erregosi, su oso eztitan.
4. Baratxuria igotzen hasten direnean, moztutako urdaiazpikoa eta gulak gehitu eta arin erregosi.
5. Orburuak gehitu eta arin erre-gosi. Txikitutako perrexila bota.

BIGARREN ERA
Osagaiak 4 lagunentzat
16 orburu, 200 g gula, 50 g hirugihar, tipulina bat, baratxuri ale bat, porru bat, piper berde erdia, 2 koilarakada tomate saltsa, olioa, gatza.

Zailtasuna                             2

1. Orburuak aurreko errezetan esan dugun bezala egosi eta lau zatitan moztu.
2. Txikitutako tipulina, porrua, piperra eta baratxuria olio zurrusta batekin erregosi, su eztitan.
3. Barazkiak eginda daudenean, gulak, txikitutako hirugiharra eta orburuak gehitu eta arin erregosi.
4. Tomate saltsa bota eta minutu batez egosi.