Ilarrak ganbekin

ETA TXIRLEKIN
Osagaiak 4 lagunentzat
1,5 kilo ilar, baratxuri ale bat, 16 txirla, 20 ganba, irina, olioa, gatza.

Zailtasuna                       2               

1. Ganbak zuritu eta txirlak garbitu.
2. Zuritu ilarrak.
3. Ilarren azalak eta ganben buruak 500 ml urarekin 20 minutuz egosi eta salda xukatu.
4. Ilarrak saldan 10 minutuz egosi eta xukatu. Salda gorde.
5. Txikitutako baratxuriak olio pixka batekin erregosi, su eztitan.  
6. Irin pixka bat bota eta eragin. Txirlak gehitu eta arin erregosi.
7. Salda bota eta etengabe irabiatu.
8. Zartagin batean ganbak olio pixka batekin arin erregosi.
9. Ilarrak saltsan sartu eta berotu.
Plateretan ilarrak jarri eta, gainean, ganbak.

ETA MUSKUILUEKIN
Osagaiak 4 lagunentzat
1,5 kilo ilar, tipulina bat, 250 g ganba, 300 g muskuilu, 100 ml salda, olioa, gatza.

Zailtasuna                            2

1. Muskuiluak garbitu eta ur pixka batekin egosi, ireki arte. Salda xukatu eta oskolak kendu.
2. Zuritu ilarrak.
3. Eltze zabal batean txikitutako ti-pulina olio pixka batekin erregosi.
4. Zuritutako ganbak gehitu eta arin erregosi.
5. Muskuiluen salda gehitu eta irakiten hasten denean, ilarrak eta muskuiluak sartu eta egosi, berotu arte.