Izokin txitxiburduntziak

LEHENENGO ERA
Osagaiak 4 lagunentzat
800 g izokin, 16 otarrainxka, 16 tomate cherry, olioa, gatza.

Zailtasuna                        2              

1. Izokinari azala eta hezurrak kendu eta 24 dadotan moztu.
2. Otarrainxkak zuritu, barruan daukaten hari beltza kendu eta txikitu. Osorik utzi.
3. Tomateak garbitu eta osorik utzi.
4. Txitxiburduntzi bakoitzean 3 dado izokin, 2 otarrrainxka eta 2 tomate jarri. Gatza bota.
5. Plantxa bat olio pixka batekin berotu eta txitxiburduntziak erre, bi aldeetatik.

BIGARREN ERA
Osagaiak 4 lagunentzat
800 g izokin, 16 barrengorri txiki, kuiatxo bat, piper gorri erdia, olioa, gatza.

Zailtasuna                        2              

1. Izokinari azala eta hezurrak kendu eta 24 dadotan moztu.
2. Barrengorriak garbitu eta osorik utzi. Olio pixka batekin arin erregosi.
3. Piperra garbitu eta 16 dadotan moztu.
4. Txitxiburduntzi bakoitzean 3 dado izokin, 2 barrengorri eta 2 piper jarri. Gatza bota.
5. Plantxa bat olio pixka batekin berotu eta txitxiburduntziak erre, bi aldeetatik.

Bi errezetak saltsa honekin lagundu:
1. Arrautza bat eta limoi tanta batzuk irabiagailuarekin nahasi.
2. 200 ml olio apurka-apurka bota eta etengabe irabiatu. Gatza bota.