Patata eta antxoa entsaladak

LEHENENGO ERA
Osagaiak 4 lagunentzat
600 g patata, 8 piper pikillo, baratxuri ale bat, lata bat zainzuri zuri, 16 antxoa oliotan, 2 lata hegaluze mendreska. Oliozpina: 11 koilarakada olio, 3 koilarakada ozpin, gatza.

Zailtasuna                      2               

1. Patatak ur eta gatzarekin 20 minutuz egosi. Xukatu, zuritu eta xerratan moztu.
2. Zartagin txiki batean zerrendatan moztutako baratxuria olio zurrusta batekin erregosi.
3. Piperrak gehitu eta erregosi, su eztitan.
4. Mendreska, antxoa eta zainzurien lata ireki eta xukatu.
5. Oliozpinaren osagaiak irabiatu.
6. Plateretan hurrenez hurren patata, piperrak, zainzuriak, mendreska eta antxoak jarri. Gainetik saltsa bota.

BIGARREN ERA
Osagaiak 4 lagunentzat
600 g patata, 3 arrautza, 16 antxoa oliotan, 2 lata hegaluze oliotan, tipulina bat. Oliozpina: 10 koilarakada olio, 3 koilarakada ozpin, gatza.

Zailtasuna                      2

1. Patatak ur eta gatzarekin 20 minutuz egosi. Xukatu, zuritu eta xerratan moztu.
2. Arrautzak 8 minutuz egosi. Zuritu eta zerrendatan moztu.
3. Antxoa eta hegaluzearen lata ireki eta xukatu.
4. Oliozpinaren osagaiak irabiatu.
5. Plateretan hurrenez hurren patata, arrautzak, zerrenda finetan moztutako tipulina, hegaluzea eta antxoak jarri. Gainetik saltsa bota.