Borraia patatekin

LEHENENGO ERA
Osagaiak 4 lagunentzat
1,5 kilo borraia, 2 patata, 2 baratxuri ale,  olioa, gatza, perrexila.

Zailtasuna                        2               

1. Kazola batean ura eta gatza berotu.
2. Borraiari hostoak eta zurtoinaren behealdea kendu, ur hotzarekin garbitu eta 5 zm-ko pusketan moztu.
3. Patatak zuritu eta kraskatu.
4. Ura irakiten hasten denean, borraia eta patata bertan sartu eta 15 minutuz egosten utzi. Xukatu.
5. Zartagin batean txikitutako baratxuriak olio zurrusta batekin erregosi, su eztitan. Sutatik kendu eta txikitutako perrexila bota.
6. Borraia eta pataten gainetik bota.

BIGARREN ERA
Osagaiak 4 lagunentzat
1,5 kilo borraia, 2 patata, 2 tipulina, olioa, piper gozoa, gatza.

Zailtasuna                            2

1. Borraia aurreko errezetan esan dugun bezala garbitu.
2. Eltze batean ura gatz pixka batekin jarri eta irakiten hasten denean, borraia bertan sartu eta 15 minutuz egosten utzi.  
3. Patatak zuritu eta xerratan moztu. Eltze batean urarekin 10 minutuz egosi.
4. Txikitutako tipulinak olio zurrusta batekin erregosi, su eztitan. Sua amatatu eta koilarakadatxo bat piper gozo bota eta eragin.
5. Plateretan xukatutako patatak eta borraiak jarri. Gainetik tipulina bota.