Makarroiak ganbekin

LEHENENGO ERA
Osagaiak 4 lagunentzat
300 g makarroi, 2 baratxuri ale, 300 g ganba, 150 g tomate lehor, 150 ml esne-gain, 150 ml esne, 100 g mozzarella gazta birrindu, olioa, gatza.

Zailtasuna                                    2               

Makarroiak egosteko:
1. Kazola batean ur ugari eta gatza irakiten jarri.
2. Ura irakiteko moduan dagoenean, makarroiak eta gatza bota; noizean behin eragin.
3. Pasta eginda baina oraindik gogor samar dagoenean -al dente eran- atera eta xukatu.
Aldi berean honako hauek prestatu:
1. Ganbak zuritu eta osorik utzi. Tomateak zatitu.
2. Txikitutako baratxuriak olio pixka batekin erregosi. Igotzen hasten direnean, ganbak eta tomatea gehitu eta arin erregosi.  
3. Esnea eta esne-gaina gehitu eta minutu batez egosi.
Plateretan makarroiak jarri eta gainetik aurreko nahasketa eta gazta bota.

BIGARREN ERA
Osagaiak 4 lagunentzat
300 g makarroi, 300 g ganba, 2 baratxuri ale, gatza, olioa, perrexila.

Zailtasuna                             1

1. Makarroiak egosi eta xukatu.
2. Ganbak zuritu eta osorik utzi.
3. Txikitutako baratxuriak olio zurrusta batekin erregosi. Igotzen hasten direnean, ganbak gehitu eta arin erregosi. Txikitutako perrexila bota.
Plateretan makarroiak jarri eta gainetik ganbak bota.