Endibia entsalada gulekin

LEHENENGO ERA
Osagaiak 4 lagunentzat
24 endibi hosto, 250 g gula, baratxuri ale bat, tipulina bat, 2 ozpinetako luzoker, aguakate laurdena, tomate bat. Saltsa: arrautza bat, 200 ml olio, ketchup pixka bat, laranja zuku pixka bat, koñaka pixka bat, gatza.

Zailtasuna                        2               

1. Tipulina eta luzokerra txikitu.
2. Aguakatea zuritu eta txikitu.
3. Tomatea zuritu eta txikitu.
4. Txikitutako baratxuria olio pixka batekin erregosi.
5. Gulak gehitu eta arin erregosi. Hozten utzi.
6. Gulak eta barazkiak nahastu.
Saltsa:
1. Arrautza eta limoi tanta batzuk irabiagailuarekin nahasi.
2. Olioa apurka-apurka bota eta etengabe irabiatu.
3. Laranja zukua, koñaka eta ketchupa bota eta nahasi.
Endibien gainean nahasketa jarri eta gainetik saltsa bota.

BIGARREN ERA
Osagaiak 4 lagunentzat
24 endibi hosto, 250 g gula, 8 intxaur, laranja bat, 30 g Idiazabal gazta. Saltsa: 9 koilarakada olio, 2 koilarakada ozpin, gatza.

Zailtasuna                           1

1. Intxaurrak eta laranja zuritu eta txikitu.
2. Idiazabal birrindu.
3. Saltsaren osagaiak irabiatu.
4. Gulak, intxaurrak, laranja eta saltsa nahastu.
Endibia bakoitzaren gainean nahasketa jarri eta gainetik gazta bota.