Babarrun zuri eta izokin entsaladak

LEHENENGO ERA
Osagaiak 4 lagunentzat
200 g babarrun zuri,  uraza desberdinak, 150 g izokin ketu. Saltsa:  9 koilarakada olio, 3 koilarakada ozpin, tipula gorri laurdena, piper berde erdia, tomate bat, gatza.

Zailtasuna                             1

1. Babarrunak garbitu. Bezperan ur hotzetan beratzen jarri.
2. Presio-eltze batean babarrunak, ura eta gatz pixka bat jarri. Estali eta egosi 40 minutuz. Xukatu eta hozten utzi.
3. Urazak garbitu eta zatitu.
4. Tipula eta piperra txikitu.
5. Tomatea garbitu eta dado txikitan moztu.
6. Saltsaren osagaiak irabiatu.
7. Babarrunak, tomatea, piperra, tipula eta saltsaren erdia nahastu. Plateretan urazak jarri eta saltsaren erdia bota. Gainean  babarrunak eta tiratan moztutako izokina jarri.

BIGARREN ERA
Osagaiak 4 lagunentzat
200 g babarrun zuri, 150 g izokin ketu, 100 g gazta fresko, 4 hosto uraza, 12 oliba beltz. Saltsa:  yogur bat, 4 kaparrondo, 3 koilarakada mahonesa.                                                                                                  

Zailtasuna                        1             

1. Babarrunak aurreko errezetan esan dugun bezala egosi.
2. Uraza tiratan moztu.
3. Gazta, olibak eta izokina zatitu.
4. Yogurra eta mahonesa irabiatu eta txikitutako kaparrondoekin nahastu.
5. Babarrunak beste osagaiekin nahastu. Plateretan banatu eta gainetik saltsa bota.