Labean erretako izokina marinatua

LEHENENGO ERA
Osagaiak 4 lagunentzat
150 gr-ko 4 izokin zati, olioa. Marinada: 40 g panela, 60 ml soja saltsa, koilarakada bat ziape, 2 baratxuri, koilarakadatxo bat jengibre.

Zailtasuna                        2               

1. Ontzi batean marinadaren osagaiak jarri eta irabiatu.
2. Arrain aurreko nahasketarekin nahastu. Hozkailuan sartu eta 3 orduz beratzen utzi.
3. Izokina labe beroan sartu, 200 gradutan, 8-10 minutuz.
Plateretan izokina jarri eta gainetik sesamo hazi batzuk bota. Arrozarekin lagundu.

BIGARREN ERA
Osagaiak 4 lagunentzat
150 gr-ko 4 izokin zati, 200 g patata, 300 g leka, olioa, gatza. Marinada: limoi bat, laranja bat, 50 ml soja saltsa, piperbeltz beltza.

Zailtasuna                             2

1. Marinadaren limoi eta laranjaren azala pixka bat birrindu eta zukua atera. Zukuak, azalak, piperbeltz beltza eta soja irabiatu eta izokinarekin nahastu. Hozkailuan sartu eta 2 orduz beratzen utzi.
2. Izokina labe beroan sartu, 190 gradutan, 8-10 minutuz.
3. Lekak garbitu, zatitu eta 5 minutuz egosi. Xukatu.
4. Patatak zuritu, dadotan moztu eta 10 minutuz egosi. Xukatu eta zartagin batean olio zurrusta batekin arin erregosi.
5. Lekak gehitu eta arin erregosi.
Plateretan izokina jarri eta ondoan patata eta lekak.