Patata eta sardina oliotan entsaladak

LEHENENGO ERA
Osagaiak 4 lagunentzat
500 g patata, uraza desberdinak, tipulina erdia, aguakate erdia. Saltsa: 2 lata sardina oliotan, 60 g gaztatxo, 6 koilarakada olio, 2 koilarakada ozpin, 4 koilarakada ur.

Zailtasuna                        2               

1. Patatak ur eta gatzarekin 20 minutuz egosi. Xukatu, zuritu eta xerratan moztu.
2. Tipulina garbitu eta zerrenda finetan moztu.
3. Urazak garbitu eta zatitu.
4. Saltsaren osagaiak irabiagailurekin nahasi.
5. Aguakatea zuritu eta zerrendatan moztu.
6. Plateretan hurrenez hurren uraza, patata, agukatea eta tipulina jarri eta gainetik saltsa bota.

BIGARREN ERA
Osagaiak 4 lagunentzat
600 g patata, 12 tomate cherry ,12 oliba beltz, 4 zainzuri zuri, 8 galeper arrautza. Saltsa: 2 lata sardina oliotan, 9 koilarakada olio, 2 koilarakada ozpin.

Zailtasuna                       2              

1. Patatak ur eta gatzarekin 20 minutuz egosi. Xukatu, zuritu eta xerratan moztu.
2. Tomatea garbitu eta erditik moztu.
3. Zainzuriak egosi eta 4 zatitan moztu.
4. Arrautzak 2 minutuz egosi. Freskatu eta zuritu. Erditik moztu.
5. Sardinak txikitu eta saltsaren beste osagaiekin irabiatu.
6. Plateretan hurrenez hurren patata, tomatea, zainzuriak, olibak eta arrautzak jarri eta gainetik saltsa bota.