Barrengorri risottoak

LEHENENGO ERA
Osagaiak 4 lagunentzat
300 g arroz, litro bat salda, tipula bat, porru bat, 2 baratxuri ale, 400 g barrengorri, 50 g gurin, 80 g Idiazabal gazta, olioa, gatza.

Zailtasuna                        2               

1. Txikitutako tipula, baratxuriak eta porrua olio pixka batekin erregosi, su eztitan.
2. Zerrendatan moztutako barrengorriak gehitu eta erregosi.
3. Arroza gehitu eta arin erregosi.
4. Salda beroarekin apurka-apurka busti eta etengabe irabiatu. Estali eta 15 minutuz egosten utzi. Noizean behin eragin.
5. Gazta eta gurina gehitu eta nahastu. Gatza bota, 3 minutuz egosten utzi eta noizean behin eragin.

BIGARREN ERA
Osagaiak 4 lagunentzat
300 g arroz, litro bat salda, tipulina erdia, 2 piper berde, 2 baratxuri ale, 350 g barrengorri, 100 g shiitake, ardo zuria, olioa, gatza, 40 g Parmesano gazta.

Zailtasuna                     2               

1. Txikitutako tipulina, piperra eta baratxuriak olio zurrusta batekin erregosi, su eztitan.
2. Zatitutako barrengorriak eta shiitakea gehitu eta erregosi.
3. Arroza gehitu eta arin erregosi.
4. Zurrusta bat ardo zuri gehitu eta minutu batez egosi.
5. Salda beroarekin apurka-apurka busti eta etengabe irabiatu. Estali eta 15 minutuz egosten utzi. Noizean behin eragin.
6. Gazta gehitu eta nahastu. Gatza bota, 3 minutuz egosten utzi eta noizean behin eragin.