Plantxan erretako barazkiak

LEHENENGO ERA
Osagaiak 4 lagunentzat
250 g kuiatxo, 100 g kuia, 100 g boniato, tipula gorri bat, 150 g tomate cherry, 200 g azalore, 2 baratxuri ale, granada erdia, 100 g gazta feta, olioa, gatza. Saltsa: 125 ml olio, 2 koilarakada soja saltsa, koilarakadatxo bat ezti, koilarakadatxo bat ziape, koilarakada bat limoi zuku, gatza.

Zailtasuna                        2               

1. Kuiatxoa garbitu eta kuia eta boniatoa zuritu. Zerrendatan moztu.
2. Azalorea garbitu eta zatitu.
3. Tipula zerrendatan moztu. Tomateak garbitu eta erditik moztu.
4. Baratxuriak, olio zurrusta bat eta gatza irabiagailuarekin nahasi. Barazkiekin nahastu eta ordu erdiz beratzen utzi.
5. Plantxa bat berotu eta barazkiak  erre.
6. Saltsaren osagaiak nahastu.
Plateretan barazkiak jarri eta gainetik granada, papurtuko gazta eta saltsa bota.

BIGARREN ERA
Osagaiak 4 lagunentzat
6 kukulu txiki, 200 g azenario, 2 tipulina, 150 g perretxiko, 70 g pistatxo, koilarakada bat ezti, olioa, gatza.

Zailtasuna                            1

1. Kukuluak garbitu eta erditik moztu. Azenarioa, tipulina eta tipula tiratan moztu.
2. Plantxa batean barazkiak  erre.
3. Pistatxoak txikitu. Eztiarekin eta olio zurrusta batekin nahastu.
4. Plateretan kukuluak jarri eta gainetik barazkiak eta pistatxoak bota.