Hegaluze txitxiburduntziak

LEHENENGO ERA
Osagaiak 4 lagunentzat
800 g hegaluze, 16 otarrainxka, mango bat, 16 tomate cherry, olioa, gatza.

Zailtasuna                        2              

1. Hegaluzeari azala eta hezurrak kendu eta 24 dadotan moztu.
2. Otarrainxkak zuritu eta barruan daukaten hari beltza kendu. Osorik utzi.
3. Tomateak garbitu eta osorik utzi. Mangoa zuritu eta dadotan moztu.
4. Txitxiburduntzi bakoitzean 3 dado hegaluze, 2 otarrainxka, mangoa eta 2 tomate jarri. Gatza bota.
5. Plantxa batean txitxiburduntziak erre, bi aldeetatik.

BIGARREN ERA
Osagaiak 4 lagunentzat
800 g hegaluze, 300 g kuiatxo, piper gorri handi bat, olioa, gatza.

Zailtasuna                        2              

1. Hegaluzeari azala eta hezurrak kendu eta 24 dadotan moztu.
2. Piperrari haziak kendu eta garbitu. 24 zatitan moztu.
3. Kuiatxoa 24 dadotan moztu.
4. Txitxiburduntzi bakoitzean 3 dado hegaluze, 3 dado kuiatxo eta 3 zati piper jarri. Gatza bota.
5. Plantxa batean txitxiburduntziak erre, bi aldeetatik.
Bi errezetak pestoarekin lagundu:
1. Baratxuri ale bat zuritu eta mortero batean gatz eta albaka freskorekin batera txikitu.
2. 35 g pinazi gehitu eta txikitu.
3. 90 g gazta eta 60 ml olio apurka-apurka bota eta etengabe eragin. Gatza bota.