2024 API. 10 Edinburgoko Fringe Jaialdiak ikusle eta artisten arteko harremana sendotu nahi du “Batzen gaituzten erritualak” izango da Edinburgoko Fringe Nazioarteko Jaialdiaren gai nagusia. Abuztuaren 2tik 25era, 161 emanaldi eskainiko ditu eta saiatuko da publikoaren eta artisten arteko harreman estuagoa lortzen. Milaka bisitari izanten ditu jaialdiak urtero. (edfringe.com) Bidaiari Edinburgoko Nazioarteko Jaialdiaren 77. edizioak publikoaren eta artisten arteko harreman estuagoa sortu nahi du eta «eraldatzaile» izan daitekeen esperientzian sakondu. Abuztuaren 2tik 25era izango da aurtengo jaialdia eta “Batzen gaituzten erritualak” izango du gai nagusi. Konpromiso sakonari eutsiz, artistak eta publikoa esperientzia berritzaile eta informalen bidez elkartzeko helburua du, iazko edizioko galderaren inguruan hausnarketa egin ondoren: «Nora goaz hemendik?». Jaialdia munduko garrantzitsuenetako bat da bere esparruan, eta arte eszeniko guztiak –musika klasikoa eta garaikidea, opera, dantza, antzerkia...– biltzen ditu egitarauan. Guztira, 161 emanaldi eskainiko ditu, 42 herrialdetatik etorriko 2.000 artistarenak. Bigarren urtea da Benedettik jaialdia zuzentzen duela. Eta aurten esan du iaz esperimentatutako gauza asko mantendu eta indartu egin direla. «Ahalik eta ikus-entzule gehien lortzea erabaki dugu», aitortu du. ‘Pasioa San Marcosen arabera’ Aipagarriak dira Georges Bizeten ‘Carmen’, Parisko Opera-Comiquetik zuzenean datorrena, Teatro la Plaza Peruko antzerki konpainiaren ‘Hamlet’ antzezlana eta gazteenei zuzendutako European Union Youth Orchestra eta Don Quijote-ren kontzertuak. Benedettiren ustez, aurtengo unerik aipagarrienetako bat izango da Osvaldo Golijov argentinarrak Usher Hallen eskainiko duen ‘Pasioa San Marcosen arabera’ kontzertua, jaialdiari hasiera emango diona. Bestalde, aurtengo emanaldirik berritzaileenetako bat da The Philharmonia Orchestra Residency orkestrak eskainiko duen esperientzia, errealitate birtualean oinarritutakoa. Santu-Matias Rouvaliren zuzendaritzapean, orkestra aitzindaria da teknologiaren erabileran.