2015 AZA. 22 Ormaiztegi dotore jantzi da XIX. Mendeko Eleganteen Bilkurarako GARA DONOSTIA Soinekoak, kapelak eta trajeak, denak modakoak... duela mende bat baino gehiago. Ormaiztegik XIX. Mendeko Eleganteen III. Bilkura egin zuen atzo, eta herritarrek erakutsi zuten dotorezia nahikoa eta sobera badutela. Garai horretako jokoak, herriko denda, taberna eta zenbait lekutan, XIX. mendeko dekoratuak eta orduko autoen erakusketa izan zuten egun osoan zehar. Gosari, bazkari eta dantzaldi dotoreak izan ziren, eta pintxo eleganteen lehiaketaz ere gozatu zuten ormaiztegiarrek. Eta, eguerdi partean, mitin sufragista bat antzeztu zuten hainbat lagunek, udaletxearen aurrean.