Domu Santu eguna, jada gure artean ez daudenak gogoratzeko

Urtero bezala, jendearen joan-etorri handia izan zuten atzo Euskal Herriko hilerriek, Santu Guztien Eguna zela-eta. Usadioari jarraituz, lore sortek koloreztatu zituzten kanposantuak, lore saltzaileen lana ere nabarmen areagotzen baita atzoko egunez. Nolanahi ere, jakina da gero eta gehiago direla errausketaren aldeko hautua egiten dutenak, eta beraz, hilerriak ez dira dagoeneko hurbilekoak gogoratzeko gune bakarrak. Urnak gordetzeko kolunbarioez gain, badira errautsak beste toki batzuetan zabaltzea nahiago dutenak eta, hala, urtero-urtero, leku kuttun horretara osteratxoa egitea ohitura bihurtzen dutenak.

Argazkia: Juanan RUIZ | FOKU