Kale Dor Kayiko: 30 urteko lan nekaezinari aitormena

Gure artean mendeak daramatzaten arren, askorentzat ezezagunak izaten jarraitzen dute ijitoek. Uste oker eta aurreiritzien zama lepo gainean eraman dute. Horiei aurre egiteko eta jendartean elkarbizitza eta aniztasunaren balioak errotzeko, 30 urte daramatza buru-belarri lanean Kale Dor Kayiko elkarteak, bereziki hezkuntzaren eremuan. Atzo, Bilbon, urtemuga hau ospatu eta Juan de Dios Ramirez Heredia lehen diputatu ijitoa izan zenari omenaldia egin zioten.

Argazkia: Aritz LOIOLA | FOKU