Kirola eta elkartasuna Saharako basamortuan

2001ean martxan jarri zenetik, munduan egiten den kirol ekimen zirraragarrienetako bat da Sahara Marathon lasterketa, duela 44 urte basamortuan erbesteratzea beste irtenbiderik utzi ez zioten saharar herria aldarrikatzeko eta laguntzeko sortua.

Aurten ere, hogeigarrenez, herrialde askotako kirolariak bildu dira proba berezi honetan –tartean, 20 bat euskal herritar–, zeinean elkartasunak eta esperientzia emozionalak kirolak berak eta emaitzak baino garrantzi handiagoa duten. Nolanahi ere, ezin aipatu gabe utzi 42 kilometroko proban, emakumezkoetan, 3. sailkatu zela Ainhoa Lendinez elgoibartarra.

Argazkia: Ainhoa LENDINEZek utzia