2022 EKA. 29 PILOTA «Batzuetan gorputzak ‘nahikoa da’ esaten du, geratzea behar nuen» Kantxetatik at 46 egun eman ostean, Mungian berragertuko da gaur Jokin Altuna, Peio Etxeberriaren aurka jokatzeko sanferminetako kaiola barruan. Tarte honetan ebakuntza bat izan du ezker eskuko hatz batean, baina erabat osatuta dago. Jokin Altuna, Julen Martijarekin, atzoko Mastersaren aurkezpenean. (Marisol RAMIREZ FOKU) Jon ORMAZABAL 46 egun beteko dira gaur Unai Lasok Buruz Buruko finalerdian kanporatu zuenetik -sekula ez zituen horrenbeste egun eman zuriz jantzi gabe- eta Mungian egingo du berragerpena Jokin Altunak. Hatzean egin behar zioten ebakuntza bat eta, bereziki, aspalditik buruko min dezente ematen ari zitzaion eskuko mina izan dira geldialdi horren arrazoi nagusiak, baina gorputzak adina eskertu dio buruak azken hilabete eta erdiko deskonexio hori, azkeneko Buruz Burukora arte, pandemiatik jokatutako final guztiak jokatu baitzituen amezketarrak, apenas astebeteko oporraldia izanik. «Behar nuen halako zerbait, etorri zaizkidan min eta arazo hauek ez dut uste kasualitatez etorri direnik, gorputzak batzuetan ‘nahikoa da’ esaten du eta horregatik oso ondo etorri zait geldialdi hau; behar nuen», aitortu zigun atzo aurrelariak. Hasiera batean enpresak bestelako plan batzuk zituen arren, itzulera presarik gabe hartu nahi izan du Altuna III.ak eta kantxetarako itzulera ere hala hartu nahi luke, nahiz eta lehen mailako konpromisoak izango dituen. Hasteko, gaur, Peio Etxeberriaren aurka Mungian, iazko Lau eta Erdian -Bergaran- irabazi zion pilotari bakarraren aurka eta, irabaztea lortuko balu, ostiralean Joseba Ezkurdiaren aurka aritu beharko luke Sopelan. «Denbora asko eman dut geldirik eta ilusio handiz nago berriz ere jokatzen hasteko eta pixkanaka ea nire jokoa berriz ere hartzen dudan», azaldu zuen. Hori bai, emaitzez harago, «lehen helburua etxera minik hartu gabe itzultzea izango da». TITARE BATEKIN. Kantxara inolako beldurrik gabe irtengo omen da, nahiz eta ebakuntza izandako hatza babesteko titare batekin aritu beharko duen. «Hatzak ez nau kezkatzen; proba dezente egin ditut titare desberdinekin eta ondo moldatu naiz. Operatu aurretik ere, egia esan, kezka handiagoa nuen eskuarekin hatzarekin baino; denbora asko neraman minez. Gehiago kosta bazait, eskuarengatik izan da, baina orain ondo nago eta segituan %100ean jartzeko ilusioarekin», gaineratu zuen. Un Masters más exclusivo para combinar con otros compromisos El Masters Caixabank, que surgió hace dos años como remedio de urgencia en mitad de la pandemia, se va consolidando poco a poco en el calendario estival y para esta tercera edición ha optado por una fórmula más concentrada y elitista, de ocho parejas mixtas pasa a seis, con dos objetivos claros: ofrecer un torneo de mejor nivel y poder compaginar el calendario con el de las ferias de las capitales y el resto de compromisos que, con la vuelta de las fiestas de los pueblos, vuelven a multiplicarse. Para esta edición del Masters que arranca el 15 de julio en Balmaseda, las empresas vuelven a contar con los pelotaris que un día antes habrán terminado la feria sanferminera, aunque variarán las combinaciones. Laso-Martija, Altuna III-Imaz, Urrutikoetxea-Rezusta, Ezkurdia-Mariezkurrena, Jaka-Zabaleta e Irribarria-Albisu son los ingredientes con los que Aspe y Baiko tratarán de condimentar el verano. Además de la reducción de duplas, también se acorta mucho la duración del torneo, ya que las parejas disputarán una liguilla de todos contra todos a una sola vuelta. Los primeros pasan directos a semifinales y los sextos quedan fuera y el resto jugará un play off de cuatro en el que pasan tres -los ganadores y el perdedor con más tantos-. Las semifinales y la final -2 de octubre- serán en el Navarra Arena. J.O. TITARE BATEbakuntza izandako hatza babesteko titare batekin jokatuko du gaur Mungian. Hala ere, hatz honek baino, aspalditik izan duen eskuko mina izan da bere berragerpena atzeratu duena eta «etxera minik hartu gabe itzultzea izango da lehen helburua».