2023 EKA. 06 BEGIRADA Ezinbestekoak diren elkartasun zaporeak @ProyectoSabores Siriako gerrateak sortu zuen krisi humanitarioaren aurrean, 2019ko otsailean lagun talde bat Greziara joan zen, Europara ihes egiten zuten pertsonei laguntzera. Tokiko jendearekin, GKEekin eta euskal gizartearen elkartasunarekin sortu zen Zaporeak. Egun, irabazi asmo gabeko elkarteko boluntarioek Lesbosko errefuxiatuen esparruetan gatibu dauden iheslariei janaria prestatzen dihardute, egunero 1.500 otordu eginez eta banatuz. Irudian, Zaporeak elkarteak joan den larunbatean Gasteizen antolatutako elkartasun bazkaria.