Blokeo anker baten mende, bizitza

Bada munduan lur eremu txiki bat 41 kilometro luze eta 6 eta 12 arteko zabalera duena. Bi milioi pertsona pilatzen dira bertan; 2007tik, lur, itsaso eta aire blokeo militarraren ondorioz, espetxe bilakatu dieten aberrian. Ekonomia eta azpiegiturak txikituta daude, langabezia tasa oso altua da eta jendartearen gehiena kanpo laguntza humanitarioari esker bizi da. Bada bizitzarako espazio txikirik Gazan; nazioarteko utzikeriaren ondorioz, gatazkaren konponbiderako perspektibarik egon ez, eta bonbardaketak, suntsiketa eta heriotza bueltatuko direla badakiten arren.