Aldabek 27 urterekin debuta egingo du

Joseba Aldabe atzelari igantziarrak Asperekin debuta egingo du datorren abenduaren 8an Donostiako Atano III.ean. Nafarra afizionatuetan maila bikaina ematen ari bada ere, bere jauziak badu ezustekotik, pilotariak 27 urte bete baitzituen maiatzean, eta gero eta gazteago debutatzeko garai hauetan salbuespen bat suposatzen duelako.

Azkenaldi luzean Fernando Goñi aipatu izan da berandu debutatu zutenen arteko adibide gisa, eta Zubirikoak 25 urte berritan eman zuen jauzia. Fitxaketa honekin Aspek 22 pilotari izango ditu, eta Aldabe baino gazteagoak hamabi.