Baliabideak miseria gorrienean daudenentzat

Iruñeko udal gobernu berriaren lehen eginkizunetako bat etxegabeentzako arreta hobetzea izaten ari da. Urtarrilaren 4an Apoyo Mutuo-Elkarri Laguntza GKEak adierazi zuen Iruñean aldaketaz geroztik inork ez duela kalean lo egiten, eta atzo Udalak iragarri zuen etxegabeei laguntzeko baliabide eta plantillak gehiago indartuko dituela. Neguan kalean lo egitea arriskutsua baita: osasuna larriki kaltetu ez ezik, heriotza ere eragin dezake. Hiriguneetan horrelako politikak funtsezkoak dira miseria gorrienean dauden pertsonentzat.