Genozidioaren kontra bihar kalera ateratzera deitu du Kulturatik-ek

Kulturatik-ek, Kultur Eragileak Palestinarekin plataformak, agerraldi jendetsua egin zuen atzo, Donostian biharko Gazako genozidioa salatzeko antolatu duten manifestazioan parte hartzeko deia zabaltzeko. Martxa Alderdi Ederretik aterako da 12.30ean eta Haizearen Orraziraino joango da.

Ekimena otsailaren 29an aurkeztu zenetik «egoerak okerrera baino ez du egin. ‘Gaza infernua lurrean da’ esan zuen Jens Laerke Nazio Batuetako Gai Humanitarioak Koordinatzeko Bulegoko bozeramaileak azaroaren 10ean. Lau hilabete beranduago, Israelek eta bere okupazio Armada eragiten ari den suntsipen, sufrimendu eta giza bizitzarekiko mespretxu maila deskribaezina da», adierazi zuten Igor Otxoak (Kulturatik), Fernando Bernues antzerki zuzendariak, Sara Zozaya abeslariak, Agurtzane Intxaurraga zuzendariak eta Maitane Azurmendi ilustratzaileak.

Horiekin batera kultura eta musika arloko hainbat jende ezagun egon zen, hala nola Gorka Otxoa, Joseba Apaolaza, Mireia Gabilondo, Ramon Agirre, Iñaki Salvador, Jone Amezaga, Sandra Ferrus eta Martxelo Rubio.

Hirurehun bat artista eta sortzailek egin dute bat manifestazioarekin. Baita talde politikook ere: EH Bildu, Elkarrekin Podemos, PSE-EE, Sumar, Ezker Anitza-Izquierda Unida eta EH Bai. EAJ manifestazioan ordezkari instituzional eta afiliatuen bitartez ordezkatuta egongo da. Sindikatuei dagokienez, LAB, ELA, CCOO, UGT, Steilas eta Etxalde atxiki dira. Gernika Palestina Herri Ekimenak, Yala Nafarroa plataformak eta Sanitarioak Palestinarekin-ek ere bat egin dute deialdiarekin.

IBILBIDEAN ZEHAR HAINBAT ESKU-HARTZE ARTISTIKO IZANGO DIRA

Palestinarekiko elkartasuna adierazteko eta genozidioa salatzeko. Ondorengo artistek parte hartuko dute, besteak beste: Olatz Salvador, El Drogas, Maddi Oihenart eta Juantxo Zeberio, Mikel Urdangarin, Sara Zozaya, Petti, Et Incarnatus kamera orkestra, Maider Zabalegi eta Bixente Martinez kantariak; Amets Arzallus, Maialen Lujanbio, Beñat Gaztelumendi, Sarai Robles, Nerea Elustondo eta Jon Maia bertsolariak; Noe Viana, Leire Otamendi, Ainhoa Usandizaga eta Jone Amezaga dantzariak; Malmö eta Maitane Azurmendi ilustratzaileak; eta Hernaniko Kantuz, Orioko Salatxo, Donostiako Kantakidetza eta Astigarragako Aiztondo Javier Perez Azpeitiarekin batera.

Prentsaurrekoan formatu handiko 23 margolan eta ilustrazio aurkeztu zituzten. Euskal Herriko 23 irudigilek espresuki sortutako lanak dira. Igandean manifestazioan ikusgai egongo dira eta ondoren erakusketa itxura hartuko dute.

GIZA IRUDIA

Biharko martxaren amaieran «giza irudi masibo» bat sortu nahi dute, «manifestariak lurrean etzanda, Haizearen Orrazitik Ondarretaraino, Gazan hildakoak irudikatzen».

Herritarrak etxean egindako lelo eta marrazkiekin kartelak eramatera animatu zituzten: «Beren sormenari bide eman diezaiotela eta kartel horien bidez elkartasuna eta salaketa helaraz dezatela».

KORRIKA

Kulturatik ekimeneko kideek Korrikan bandera eta zapi palestinarrak eramanez parte hartzera deitu zuten, «elkartasuna modu aktiboan ikusaraziz».

El Open Arms llega e Israel sigue atacando la ayuda

El barco de Open Arms llegó ayer por la tarde a las costas de la asediada Franja de Gaza y comenzó a descargar las 200 toneladas de comida y agua que llevaba para auxiliar a la población del enclave palestino, culminando el primer trayecto por el corredor marítimo abierto desde Chipre. La ayuda iba a ser distribuida en camiones en el norte de la Franja, donde, tras más de cinco meses de ofensiva militar sionista, gran parte de su población sufre hambre. Al menos 27 personas, la mayoría bebés, han muerto de inanición, informó el Ministerio de Sanidad gazatí, que elevó el balance de muertos a 31.490 y de heridos a 73.439. En las últimas horas, Israel mató a 149 personas, de ellas 20 en otra matanza de palestinos desesperados que esperan un convoy con alimentos, algo que se está repitiendo en los últimos días. El Gobierno de Gaza informó de que el ataque aéreo se produjo cerca de la medianoche del jueves, de nuevo, en la rotonda de Kuwait, uno de los puntos principales para la distribución de ayuda en la ciudad de Gaza. El Ejército israelí negó haber disparado a civiles y dijo que fueron «palestinos armados» los que abrieron fuego y que quienes esperaban empezaron a saquear los camiones y fueron atropellados. GARA