Azterketak euskaraz egiteko baldintza duinen alde

Baionan atzo egindako elkarretaratze baten bidez, Brebetako azterketetan euskaraz erantzuteko aukera frantsesez idatzitako galderekin izango dela eta Baxoan frantsesez erantzun behar dutela salatu zuten Seaskako bigarren mailetako lizeo eta kolegioetako 200 irakaslek. Adierazi zutenez, «ikasle euskaldunak desabantaila egoera batean ezartzen ditu, frantsesez erantzungo duten ikasleekin konparatuz». Era berean, gogoratu zuten azken urteetan dozenaka irakaslek azterketak zuzentzea ukatu dutela, ikasle euskaldunek ezin zutelako euskaraz erantzun.