Familia osoarentzako komedia arina

Christian Ditter alemaniarrak zuzendutako filma da eta Greg Kinnear eta Isla Fisher aktore ezagunak dira protagonistak. Zientzia fikziozko elementuak dituen komedia arina da, familian ikusteko aproposa.

“Back to the Future” (“Regreso al futuro”) edo “Groundhog Day” (“Atrapado en el tiempo”) erako sci-fi klasikoak gogora ekartzen dituen premisa du: Taylor, familiako kide gazteena, aitonak oparitu dion erlojuak denbora kontrolatzeko aukera ematen duela ohartu da. Familiaren patua aldatzeko helburuz, neba-arreba nagusien laguntzaz, gurasoak banandu ziren egunera behin eta berriz itzuliko dira.

DENBORAN ZEHAR BIDAIAK

Zinemak sarritan heldu dio denboran zeharreko bidaien gaiari eta, asko gozatzen dudan azpigeneroa denez, gaiarekin loturiko izenburuak errepasatzen hasi naiz.

Honatx gomendio batzuk: “Groundhog Day”, “Back to the Future”, “12 Monkeys”, “Donnie Darko”, “Interstellar”, ‘‘Arrival”, “Looper”, “About Time”, “The Butterfly Effect” edo “Dark” eta “Lost” telesaila, besteak beste.