Sigmund Freud, psikoanalisiaren aitzindaria, jaio zen

Gaur 167 urte jaio zen Sigmund Freud mediku eta pentsalari austriarra. Psikoanalisiaren alorrean izan zen ospetsua eta nagusiki ametsen interpretazioan oinarritu zuen bere lana.

Austriar inperioko Moravia hirian jaio zen 1856ko maiatzaren 6an, gaur 167 urte, Sigmund Freud mediku eta pentsalaria. Ametsen inguruko interpretazioan eginiko teorizazioagatik eta psikoanalisian jarduteko teknikak sortzeagatik egin zen ezaguna.

Vienako unibertsitatera joan zen Zuzenbidea ikastera, baina hitzaldi bat entzun eta medikuntzan matrikulatzea erabaki zuen. 1881ean graduatu zen eta ospitalean lanean aritu zen hiru urtez. Unibertsitatera itzuli zen ondoren, baina kasu honetan irakasle gisa, neuropatologiako irakasle izan zen, eta horretan zebilela Parisen ikerketa beka bat jaso zuen, buru nahasmenduen inguruan ikertzen jarraitzeko. Bere alaba Anna ere ospetsua izan zen psikoanalista garrantzitsua zelako, haurtzaroko eta garapen psikologikoari lotutako lanak egin zituen.

Freudek Austria atzean utzi behar izan zuen naziengandik ihesi, zahartzaroan mandibulako minbizia diagnostikatu zioten eta bere lagun onenari (medikua zen hau ere) morfina eskatu eta gau horretan bertan hil zen.

Aztergai ezberdinak izan zituen Freudek, histeriaren inguruko ikerketa izan zen ezagunenetako bat; bertan azaltzen zuen histeria deskargatu gabeko energia emozioen eraginagatik sortzen zela, ahaztutako trauma psikikoek sortzen zutela histeria hori, eta teknika hipnotikoen bidez iraganera itzuli eta oroitzapenak berreskuratuz konpon zitekeela.

Hala ere, ezagunena, ametsen interpretazioen ingurukoa izan zen. Prozesu inkontzienteen bideari jarraitzen zion, elkarte libreak erabiliz ametsak eta lapsusak hizkuntzan interpretatzeko gida gisa. Bere lanik garrantzitsuena, «Ametsen interpretazioa» izan zen, non bere amets asko aztertzen zituen (bere pazienteen amets batzuez gain), 1897an hasitako hiru urteko autoanalisian erregistratuak, hasiera batean porrot komertziala izan zen, 1899an argitaratu ondoren. Bere lehen sei urteetan 351 kopia baino ez zituen saldu; bigarren edizioa ez zen 1909ra arte argitaratu. Ametsen analisiaren bidez, haurren sexualitateari eta Ediporen konplexuari buruzko teoriak garatu zituen.