2023 IRA. 21 Gatz Haraneko Muera errekaren birgaitze lanak amaitu ditu Arabako Foru Aldundiak Gatz Haraneko Muera erreka birgaitzeko lanak amaitu ditu Arabako Foru Aldundiak. Agintariek nabarmendu dutenez, proiektuak bateragarri egiten ditu gatzaren ustiapena, turismoaren sustapena eta biodibertsitatearen kontserbazioa. Foru Aldundiko ordezkariak, errekara egindako bisitan. (Arabako Foru Aldundia) GAUR8 Arabako Foru Aldundiak Gatz Haraneko Muera erreka birgaitzeko lanak amaitu ditu, «ibaian behera ibai eremua babesteko Gatz Haranean zehar eta ibaian gora El Pico iturburuko ur jauzian» Iraunkortasun, Nekazaritza eta Ingurune Naturaleko diputatu Amaia Barredok nabarmendu du lanak gatzaren ustiapena, turismoaren sustapena eta biodibertsitatearen «kontserbazioa bateragarri egiten» laguntzen duela. La Muera errekaren ibai-sistemaren jarraitutasuna berreskuratu, eta ibilguaren eta larrainen ertzen eta gatz-inguruneen arteko lotura hobetu du proiektuak. Gainera, nitxo biologiko berriak sortu dira, hala nola putzuak, istiltze eremuak eta ur-laster txikiak. Agintarien esanetan, «ingurune egokiak sortu dira biodibertsitate halofitoa (Gatz habitatak) areagotzeko, flora eta fauna ornogabeko espezieekin, hala nola artemiekin eta gammarusekin, zeinak berezitasun eta balio biologiko handikoak eta haraneko gatz inguruneetara egokituak baitira». Era berean, «landaredi halofitoa transplantatu da ertzetan, batez ere ihiak, Gatz Haranetik datozenak baita Santa Engrazia iturburuko enklabe botanikoan sortutakoak eta Arantzadiko eta Olarizuko Germoplasma bankuetan ernatutako haziak ere», zehaztu du diputatuak. Erreferentziazko puntuak Bestalde, errekaren ondotik doan bide bat egokitu da, eta ubidetik igarotzen ziren gatzun eroanbideak egokitu dira, ibilgailu txikien zirkulazioa ahalbidetzeko, larrainak mantentzeko eta gatza bildu edo biltegiratu ahal izateko. Birgaitutako erreka eta bidea erreferentziazko puntuak izango dira hemendik aurrera Gatz Haraneko ingurumen izaerako ibilbide didaktiko eta dibulgatzaileetarako.