Gaurko egunez hil zen Francisco Cepeda txirrindularia Galibier jaisten ari zela

Gaurko egunez zendu zen Francisco Cepeda txirrindularia, Tourra bukatzea lortu zuen lehen hego euskal herritarra eta lehiaketa horretan zendu zen lehen txirrindularia. Bizkaitarra zen, Sopuertakoa, hain zuzen.

Francisco Cepeda txirrindularia Sopuertan, Bizkaian, jaio zen 1906ko martxoan, eta gaurko egunez hil zen, 1935ean, Galibier jaisten ari zela. Tourrean parte hartzen hari zela hildako lehen txirrindularia da, baita Hego Euskal Herriko lehen txirrindularia txapelketa hori bukatu zuena.

Cepeda, bere garaian, txirrindulari nabarmena izatera iritsi zen espainiar Estatuan. 1927an brontzezko domina lortu zuen Espainiako errepideko txirrindularitzako txapelketan, Bartzelonan. Frantziako Tourrean 1930ean hartu zuen parte lehenengoz, eta sailkapen nagusiko 27. postuan amaitu zuen. Ordutik aurrera, Frantzian txirrindulari eskalatzaileentzako probetarako gonbidapena lortu zuen.

Hurrengo edizioan, 1931koan, Cepedak bakarrik osatu zuen espainiar Estatuko ordezkari taldea, beste txirrindulari batzuek parte hartzeari uko egin ziotelako, bere parte hartzeko baldintzetan akordiorik lortu ez zuelako. Arazo fisiko ugari izan ondoren, txirrindulariak lasterketa utzi zuen 20. etapan zehar. Urte berean hirugarren postua lortu zuen Mont Farongo igoeran, Toulonen, Frantzian.

Kirol jarduera aldi baterako utzi ondoren, Cepeda 1935ean berragertu zen, Espainiako Itzuliaren lehen edizioan parte hartuz, 17. postuan amaitu zuen, eta Frantziako Tourrean izena eman zuen ‘Individuel’ kategorian, dagokion federazio nazionalak aukeratu gabe, Tourreko antolakuntzak parte hartzeko gonbidapen zuzena jasotzen zuten txirrindularientzat.

1935eko uztailaren 11n, Aix-les-Bains eta Grenoble artean ospatu zen zazpigarren etapan, korrikalariak eroriko bat izan zuen, garezurraren oinarrian haustura bat eragin ziona, honen ondorioz, hiru egun beranduago hil zen La Tronche ospitalean.