Gaur 70 urte hil zen Henri Matisse margolaria

1954ko azaroaren 3an, gaur 70 urte, Henri Matisse margolari ezaguna hil zen Nizan. Ausardia kromatiko sutsuagatik eta marrazkiaren erabileraren originaltasunagatik ezaguna, arte garaikidearen muineko figuretako bat da.

1954ko azaroaren 3an, gaur 70 urte, Henri Matisse margolari ezaguna hil zen Nizan. Estatu frantsesaren iparraldeko herri txiki batean jaio zen 1869ko abenduaren 31n. Bere artearen bidez senaren eta intuizioaren autonomia transmititzen jakin zuen. Picassok erreferentzia asko hartu zituen ‘fauvismo’-aren buruzagi zen margolari frantses honengandik.

Abokatutzara bideratua zuen bizitza, baina 21 urte zituela, apendizitis batetik suspertzen ari zela, ezin izan zion eutsi arte plastikoen sorginkeria gozoari. Handik urtebetera, Parisko Arte Ederren Eskolara egin zuen.

Ikuspegi akademizista eta tradizionala kritikatu zuen, naturalismoarena bereziki, klasikoen kopia ugari eginez. Hala ere, horrek ez zion eragotzi bere begi-nini koloretsuekin bere inguruko berezko ibilbidea atzematea, inpresionisten agendan arreta jarriz.

1903 eta 1904 artean, Henri Edmond Cross eta Paul Signacen puntillismoak erakarri zuen Matisse, eta kolore-puntu ugari artikulatu zituen, distantzia jakin batera, tonuaren batasuna berrezarri eta argi-bibrazioa pizten zutenak. Pintzelkada zabalagoekin metodo piktoriko hori aldatu ondoren, laster utzi zuen bertan behera.

1905erako, bere koadroek orduko moldeak hausten zituzten bere sormenagatik eta formaren ausarkeriarengatik. Garai horretako lanen artean, ‘Marra berdea’ nabarmentzen da.

Matisseren argitasun artistikoa ‘Lore horiak’ obratik abiatuta garatu zen, eta laster iritsi zen 1905eko ‘fauves’ pintura goratuekin lotutako lanetara.

1920tik hil zen arte, denbora gehiena Estatu frantseseko hegoaldean eman zuen, batez ere Nizan, bere artea eremu horretako koloreez elikatuz.